Палітычныя гульні вакол Хрышчэння

Палітыка

Палітычныя гульні вакол Хрышчэння

30 ліпеня 2013 а 10:20

Сёння ў Менску завяршаюцца 6-дзённыя ўрачыстасці ў гонар 1025-годдзя Хрышчэння Русі. Для аглядальнікаў стала відавочна, што Крэмль скарыстаў святкаванне ў сваіх палітычных, інтэграцыйных мэтах. “У нас адны карані, культура і рэлігія”, –гаварыў Пуцін у Севастопалі, выступаючы разам са сваім украінскім калегам Віктарам Януковычам. “ Мы высока ацэньваем сяброўства з Расіяй. Украіна і Расія былі і застануцца стратэгічнымі партнёрамі. Тут, у Севастопалі, гэта бачна вельмі выразна,”-адказваў украінскі прэзідэнт. Севастопаль - сымвалічнае месца. Тут літаральна побач стаяць прычаленыя ваенныя караблі Расіі і Украіны. На кожным з іх лунаюць па два сцягі: расійскі і ўкраінскі. Пуцін і Януковіч упершыню прынялі ўдзел у сумесным парадзе некалькіх дзясяткаў ваенных караблёў. “ Яшчэ пару гадоў таму, калі на чале Украіны стаяў нацыяналіст Віктар Юшчанка, такое не было б магчымае,”- гучаў каментар у перашай праграме дзяржаўнага, расійскага тэлебачання. Узаемных ветлівасцяў было значна болей, у прыватнасці, у Саборы Святога Уладзіміра ў Херсанэсе, старжытным горадзе ў межах цяперашняга Севастопаля. Гэта там у 988 гдзе князь Уладмір прыняў хрост, што было ўмовай ягонай жаніцьбы з сястрой Васіля Другога, візантыйскага імператара. З Канстанцінопаля хрысціянства пашырылася на тэрыторыю Кіеўскай Русі, а ў палове 16-га стагоддзя Масква пачала прэтэндаваць на ролю “ Трэцяга Рыму”, паколькі Канстанцінопаль заваявалі мусульмане. “Гадавіна Хрышчэння Русі была вельмі выразна скарыстаная у палітычных мэтах,”- лічыць украінскі палітолаг Міраслаў Паповіч. Гэтак як і большасць украінскіх медыяў ён перакананы, што асноўнай мэтай візіту Пуціна ва Украіну было пераканаць украінскія палітычныя эліты пра большую прывабнасц Расіі як альтэрнатывы Еўразвязу. На суботняй прэс-канферэнцыі ў Кіеве Пуцін тлумачыў, прыводзячы канкрэтныя лічбы, эканамічныя выгады ад далучэння Украіны да Мытнага Саюзу. Маўляў, таваразварот паміж Украінай і Расіяй зменшыўся ў пачатку бягучага году на 17%, у час калі гандаль у межах Мытнага Саюзу квітнее. Для аглядальнікаў ясна, што гэта была апошняя спроба перацягнуць Украіну на свой бок перш, чым у лістападзе ў Вільні яна падпіша дамову аб асацыяваным статусе у Еўразвязе. “ Гэты статус выключае удзел Украіны ў Мытным Саюзе, да якога належаць Расія, Украіна і Беларусь”. Украіна стаіць перад гістарычным выбарам. Умовы, якія выстаўляе Еўразвяз, вядомыя. Гэта ў першую чаргу змена заканадаўства, якая выключала б выбарачнае ўжыванне законаў, змена выбарчага заканадаўства і да таго нефармальнае патрабаванне - вызваленне Юліі Цімашэнкі. “Масква непрывабная для Украіны, і Домова з Еўразьвязам будзе падпісаная,”- перакананы крытычны ў дачыненні да Крамля расійскі палітолаг Андрэй Пянткоўскі. Па ягоных словах, Пуцін не прамінае ніякай нагоды, каб нагадаць, што развал Савецкага Саюзу быў найвялікшай геапалітычнай трагедыяў 20-гя стагоддзя, што ў былых савецкіх рэспублік агульная гісторыя. Пуцін скарыстоўвае таксама інтэграцыйны чыннік Праваслаў’я. У час сустрэчы з праваслаўнымі іерархамі у Маскве ён выдаваў сябе за абаронцу хрысціян, дыскрымінаваных у розных краінах свету, у прыватнасці - у Сірыі. У сваю чаргу Патрыярх Кірыл дапамагае Пуціну, усяляк аберагаючы адзінства Рускай Праваслаўнай Царквы на пост-савецкай прасторы. Масква дала шырокую аўтаномію Украінскай Праваслаўнай Царкве, але моцна трымае яе у сваёй юрысдыкцыі. Мэты Патрыярха Кірыла і прэзідэнта Пуціна супадаюць, адсюль у Расіі выключна цесная “ сімфонія” Царквы і дзяржавы. Бліжэйшыя месяцы пакажуць, ці гадавіна Хрышчэння Русі нейкім чынам паўплывае на палітычны выбар Украіны, бо гэта яна стала прадметам торгу паміж Усходам і Захадам. У любым выпадку, у гэтыя дні рэлігія цесна сплялася з палітыкай і адыграла немалую ролю, яле хутчэй за ўсё ў супастаўленнні з палітычным прагматызмам гэтая роля акажацца недастатковая.

Вам можа спадабацца